佐敦隱世異國風味咖啡店-Cafe REVOL

佐敦嘅Cafe REVOL咖啡店喺一個寧靜嘅住宅區，係一非常舒適嘅地方，環境清幽，而佢設有戶外座位區，坐喺到食嘢感覺好舒服好chill。入到去店內嘅裝修設計好有個人特色，係深灰色牆身同地下嘅工業風設計，門口牆身有why so serious 壁畫同擺咗好多手工藝品同小飾物。大量木質枱面，營造出自然嘅氛圍。佢嘅燈光柔和，播放台灣同香港嘅流行音樂，令人感覺放鬆而又有氣氛。😆 ～ Flat white☕️ $42 Flat white咖啡好香濃，可以揀fruity 或 nutty 口味，我揀咗fruity，有一啲果香不會太酸，同咖啡的苦味好夾。而佢嘅奶同咖啡嘅比例剛剛好，奶味濃郁但唔太多，喝落好順滑，唔錯幾好飲。 ～ 秘魯瑪卡牧場🧆🥗🫓 $138 估唔到呢度可以食到秘魯嘅料理，見到忍唔住叫咗黎試，覺得冇揀錯而且好好味！呢個菜有啲似all day breakfast，好豐富，有法邊豆、粟米、鷹嘴豆雜菜沙律，粟米蓉，墨魚串等。原本仲有特色嘅Pita Bread，彼得包，可惜冇貨，轉咗多士包，不過都好好味，包烘到外脆內軟，撒咗啲香料喺面，食落味道好特別，好有外國麵包嘅感覺😋。而我覺得最好味嘅係墨魚串，佢燒到金黃，有個微辣嘅香草醬喺上邊，夾埋食好惹味，墨魚好厚身，口感彈牙，真係好好味😋！ 今次冇咗彼得包，食唔到原汁原味嘅秘魯菜，希望下次黎會食到，仲有聽講呢度嘅意粉都好好味，下次可以試埋😋😋 Cafe REVOL 佐敦德成街4-16號富裕臺地下5號舖 推介度：⭐️⭐️⭐️⭐️⭐️/5⭐️ #文青 #咖啡 #REVOL #coffee #cafe #隱世 #日式 #工業風 #佐敦 #熱門菜式 #打卡 #攻略 #chill #週末 #下次要再食